అయస్కాంత పర్మియబిలిటీ

Simplified comparison of permeabilities for: ferromagnets (μ_f), paramagnets (μ_p), free space (μ₀) and diamagnets (μ_d)

ఒక కడ్డీని అయస్కాంత క్షేత్రంలోఉంచితే, ఆ కడ్డీ అయస్కాంత ప్రేరణ వల్ల అయస్కాంత ధర్మాలను పొందుతుంది. క్షేత్రబలరేఖలు కడ్డీలో ప్రవశించే కొన దక్షిణధ్రువంగాను, బలరేఖలు కడ్డీనుంచి బహిర్గతమయ్యేకొన ఉత్తర ధ్రువం గాను ఏర్పడతాయి. కడ్డీలో ప్రవేశించే బలరేఖలు, కడ్డీ చేయడానికి ఉపయోగించిన పదార్థంపైన ఆధారపడి ఉంటాయి. అది ఎక్కువ అయస్కాంత ధర్మాలు ఉన్న పదార్ధమైతే ఎక్కువ బలరేఖలు, తక్కువ అయస్కాంత ధర్మాలు వున్న పదార్ధమైతే తక్కువ బల రేఖలు కడ్డీద్వారా పోతాయి. ఈ ధర్మాన్నే అయస్కాంత పర్మియబిలిటీ అంటారు.

నిర్వచనము

ప్రమాణ వైశాల్యమున్న పదార్థంలో నుంచి పోయే బలరేఖలకు, పదార్ధానికి బదులు ప్రమాణవైశాల్యమున్న శూన్య ప్రదేశంలోనుంచి పోయే బలరేఖలకు ఉన్న నిష్పత్తిని అయస్కాంత పర్మియబిలిటీ అంటారు. దీనినే క్రింది రీతిలో నిర్వచించవచ్చు. శూన్యప్రదేశంలో కొంతదూరంలో ఉన్న రెండు ధ్రువాలమధ్య ఉండే అయస్కాంత బలంనకు, ఒక పదార్థంలో అదే దూరంలో ఉంచిన ఆ రెండు ధ్రువాలమధ్య వుండే అయస్కాంత బలానికివున్న నిష్పత్తిని ఆ పదార్థం అయస్కాంత పర్మియబిలిటీ అంటారు.

మేగ్నటిక్ టొరోయ్ డల్ కోర్

M . K . S . ప్రమాణపద్ధతిలో అయస్కాంత పర్మియబిలిటీ

$\mu ={\mu }_0{\mu }_r$

${\mu }_0$ = శూన్యప్రదేశంలో అయస్కాంత పర్మియబిలిటీ

${\mu }_r$ = సాపేక్ష పర్మియబిలిటీ.

ఇవి కూడా చూడండి

• అయస్కాంత క్షేత్రం
• అయస్కాంత పదార్ధాలు
• అయస్కాంత ప్రేరణ

బయటి లింకులు

• [1]మూస:Dead link THE THEORY OF THE DISPERSION OF MAGNETIC

PERMEABILITY IN FERROMAGNETIC BODIES]

• Review Bమూస:Dead link
• Variational Approach to the Theory of the Effective Magnetic Permeability of Multiphase Materials మూస:Dead link
• [2]