యానకం(కాంతి)

దృశా మాధ్యమం (యానకం) అంటే విద్యుదయస్కాంత తరంగాలు ప్రసారం చేసే పదార్థం. ఈ తరంగాలు ఏ పదార్థాల గుండా ప్రయాణం చేస్తాయో ఆ పదార్థాలను యానకం అంటారు. ఇది ప్రసార మాధ్యమం యొక్క ఒక రూపం. మాధ్యమం పర్మిటివిటీ, ప్రవేశ్యశీలతలు విద్యుదయస్కాంత తరంగాలు ఎలా వ్యాపిస్తాయో నిర్వచిస్తాయి. మాధ్యమానికి స్వభావజ అవరోధం ఉంటుంది. దీనిని క్రింది సమీకరణం ద్వారా తెలుసుకోవచ్చు.

$\eta =\frac{E_x}{H_y}$

దీనిలో $E_x$ ,$H_y$ లు వరుసగా విద్యుత్ క్షేత్రం, అయస్కాంత క్షేత్రాలను సూచిస్తాయి. ఈ ప్రాంతంలో విద్యుత్ వాహకత లేనప్పుడు పై సమీకరణం క్రింది విధంగా రాయవచ్చు.

$\eta =\sqrt{\frac{\mu }{\epsilon }}.$

ఉదాహరణకు, శూన్య ప్రదేశంలో స్వభావజ అవరోధాన్ని "శూన్యం అవరోధ లక్షణం" గా పిలుస్తారు. దీనిని Z₀ తో సూచిస్తారు. అపుడు,

$Z_0=\sqrt{\frac{{\mu }_0}{{\epsilon }_0}}.$

మాధ్యమం గుండా తరంగాలు $c_w=\nu \lambda$ (ఇందులో విద్యుదయస్కాంత తరంగాల పౌనఃపున్యం $\nu$ , తరంగదైర్ఘ్యం $\lambda$ అవుతుంది.) వేగంతో ప్రసారం చేయబడతాయి. ఈ సమీకరణాన్ని ఈ రూపంలో కూడా రాయవచ్చు:

$c_w=\frac{\omega }{k},$

దీనిలో తరంగ కోణీయ పౌనఃపున్యం $\omega$ , తరంగ సంఖ్య $k$ అవుతుంది. ఎలక్ట్రికల్ ఇంజనీరింగులో $\beta$ గుర్తు ను దశా స్థిరాంకం అందురు. ఇది తరచుగా $k$ బదులుగా వాడతారు.

శూన్య ప్రదేశంలో విద్యుదయస్కాంత తరంగాల ప్రచారం వేగం, ఆదర్శవంతమైన ప్రామాణిక సూచన స్థితి (పరమ శూన్య ఉష్ణోగ్రత వంటిది), ఇది సాంప్రదాయకంగా c₀ చే సూచించబడుతుంది.

$c_0=\frac{1}{\sqrt{{\epsilon }_0{\mu }_0}},$

దీనిలో ${\epsilon }_0$ విద్యుత్ స్థిరాంకం, ${\mu }_0$ అయస్కాంత స్థిరాంకం.